തീക്കോയ് : ഗർഭിണികളെ എത്തിച്ച് പ്രസവ ശേഷം കുഞ്ഞുങ്ങളെ തട്ടിയെടുക്കുന്ന സംഘത്തിൽ ഇതുവരെ അറസ്റ്റിലായത് മൂന്നു പേർ. ചൊവ്വാഴ്ചയാണ് ഇടനിലക്കാരിയായ കൊല്ലം പരവൂർ അനില് നിവാസിർ അനീന (26) അറസ്റ്റിലായത്.
മാഫിയ നടത്തിപ്പുകാരായ കോയമ്പത്തൂർ രാമനാഥപുരം രാംനഗറില് മുപ്പിലി രാജ (27), വാഗമൺ പുള്ളിക്കാനം പുതുക്കാട് കുന്ദാനിയിൽ അർജുൻ (21) എന്നിവരെ കഴിഞ്ഞ ദിവസം പിടികൂടിയിരുന്നു
ഇവർ മുമ്പും നവജാതശിശുക്കളെ വിറ്റതായി കണ്ടെത്തിയിട്ടുണ്ട്.
സംഘത്തിലെ കൂടുതൽ പ്രതികൾക്കായി അന്വേഷണം തുടരുകയാണ്.
കഴിഞ്ഞ ആറ് മാസത്തിനിടെ കുട്ടിയെ വില്പന നടത്തിയെന്നാണ് പ്രതികൾ മൊഴി നൽകിയത്. ഇതിന്റെ അടിസ്ഥാനത്തില് പുതിയ കേസ് രജിസ്റ്റര് ചെയ്ത് അന്വേഷണം തുടങ്ങുമെന്നും ജില്ലാ പോലീസ് ചീഫ് സാബു മാത്യുവും പാലാ ഡിവൈ.എസ്.പി കെ. സദനും പറഞ്ഞു.
കൂടുതൽ പ്രതികളുണ്ടായേക്കുമെന്നും അറസ്റ്റിലായവർ വിവിധ ജില്ലക്കാരാണെന്നും ജില്ലാ പോലീസ് ചീഫ് പറഞ്ഞു.
0 Comments
സഭ്യമല്ലാത്ത ഭാഷയില് കമന്റ് ചെയ്യുന്നത് കുറ്റകരമാണ്. ഇത്തരത്തിലുള്ള കമന്റുകള്ക്ക് ന്യൂവിഷൻ പൂവരണി ഉത്തരവാദി ആയിരിക്കുന്നതല്ല