കൊല്ലവർഷം 1202 ചിങ്ങം -1 കർഷകദിനം.. മീനച്ചിൽ ഗ്രാമപഞ്ചായത്തിന്റെയും കൃഷി ഭവന്റെയും കാർഷികവികസന സമിതിയുടെയും സംയുക്തഭിമുഖ്യത്തിൽ ഗ്രാമപഞ്ചായത്ത് ഹാളിൽ വെച്ച് നടത്തി. ബഹു. ഗ്രാമപഞ്ചായത്ത് പ്രസിഡന്റ് ശ്രീമതി സുബി സെബാസ്റ്റ്യൻ അധ്യക്ഷത വഹിച്ച യോഗത്തിൽ കൃഷി ആഫീസർ ശ്രീമതി രമ്യ ആർ സ്വാഗതം ആശംസിച്ചു. ഉൽഘാടനവും മികച്ച കർഷകൻ ശ്രീ ജോസ് കെ രാജുവിനെ ആദരിക്കലും അവാർഡ് വിതരണവും ബഹു. ളാലം ബ്ലോക്ക് പഞ്ചായത്ത് പ്രസിഡന്റ് ശ്രീ ജോസ് പ്ലാക്കൂട്ടം നിർവ്വഹിച്ചു. കർഷകരിൽ നിന്നും തിരഞ്ഞെടുത്ത ജൈവ കർഷകൻ ശ്രീ ജോർജ് തോമസ്,തേനീച്ച കർഷകൻ ശ്രീ ജോസഫ് മാത്യു, വനിതാ കർഷക ശ്രീമതി വത്സമ്മ ജോസ്, വിദ്യാർത്ഥി കർഷകൻ ആദിത്യൻ കെ ആർ, മുതിർന്ന കർഷകൻ ശ്രീ മാത്യു ജോസഫ്, എസ്. സി. വിഭാഗം കർഷക ശ്രീമതി ബിന്ദു ബിനു, യുവ കർഷകൻ ശ്രീ ടെമി ടോമി, കർഷക തൊഴിലാളി ശ്രീ സുരേഷ് ടി പി, കർഷക ഗ്രൂപ്പ് ട്രൂ റൂട്ട്സ് ഫാം കിഴപറയാർ എന്നിവരെ അവാർഡുകൾ നൽകി ആദരിച്ചു.
സ്വയം പ്രവർത്തിത കാലാവസ്ഥ മാപിനി സ്ഥാപിക്കുന്നതിനു സൗജന്യമായി സ്ഥലം വിട്ടു നൽകിയ കർഷകനായ ശ്രീ കെ ടി അഗസ്റ്റിൻ കുറ്റിയാങ്കലിനെ ബഹു. ഗ്രാമപഞ്ചായത്ത് സെക്രട്ടറി ശ്രീ റോയി കെ മാത്യു ആദരിച്ചു.
ബ്ലോക്ക് മെമ്പർമാർ, ഗ്രാമപഞ്ചായത്ത് മെമ്പർമാർ തുടങ്ങിയവർ ആശംസകൾ അർപ്പിച്ചു സംസാരിച്ചു. യോഗത്തിൽ സംബന്ധിച്ച് സഹകരിച്ച എല്ലാവർക്കും ഓണസദ്യയും ഒരുക്കിയിരുന്നു.
0 Comments
സഭ്യമല്ലാത്ത ഭാഷയില് കമന്റ് ചെയ്യുന്നത് കുറ്റകരമാണ്. ഇത്തരത്തിലുള്ള കമന്റുകള്ക്ക് ന്യൂവിഷൻ പൂവരണി ഉത്തരവാദി ആയിരിക്കുന്നതല്ല