ഡോ. കെ.എൻ. രാഘവൻ ഐ.ആർ.എസ്. (റിട്ട.), റബ്ബർബോർഡിന്റെ ഔദ്യോഗിക ത്രൈമാസ ഇംഗ്ലീഷ് മാസിക 'റബ്ബർ ടോപ്പിക്കൽ' പുറത്തിറക്കി.
പ്രകൃതിദത്തറബ്ബർമേഖലയിലെ വികസനങ്ങൾ, ഗവേഷണം, നൂതനാശയങ്ങൾ, നേട്ടങ്ങൾ എന്നിവ റബ്ബർമേഖലയിലുളളവരിലേക്ക് എത്തിക്കുക എന്നതാണ് ഈ മാഗസിൻ ലക്ഷ്യമിടുന്നതറബ്ബർമേഖലയുമായി ബന്ധപ്പെട്ട നയരൂപകർത്താക്കൾ, ഗവേഷകർ, വ്യവസായപ്രതിനിധികൾ, കയറ്റുമതിക്കാർ, അന്താരാഷ്ട്ര ഏജൻസികൾ എന്നിവരുൾപ്പെടെയുള്ളവരെ ഉദ്ദേശിച്ചുള്ള ഒരു പ്രസിദ്ധീകരണമാണ് റബ്ബർ ടോപ്പിക്കൽ.
ഇംഗ്ലീഷ് ഭാഷയിലുള്ള ഒരു പ്രസിദ്ധീകരണം ആഗോള റബ്ബർമേഖലയിലുള്ളവരെ അഭിസംബോധന ചെയ്യാൻ ഉതകുന്നതായിരിക്കണമെന്ന് റബ്ബർമേഖലയെ അഭിസംബോധന ചെയ്യാൻ ഈ മേഖലയിൽ ധാരാളം സംഭവങ്ങളുണ്ടെന്നും ഇതുപോലുള്ള ഒരു മാസികയുടെ പ്രസക്തിയെക്കുറിച്ച് വിശദീകരിച്ചുകൊണ്ട് റബ്ബർബോർഡിൻ്റെ കേന്ദ്ര ഓഫീസിൽ വെച്ച് സംഘടിപ്പിച്ച ചടങ്ങിൽ റബ്ബർ ടോപ്പിക്കൽ പുറത്തിറക്കിക്കൊണ്ട് ഡോ. രാഘവൻ പറഞ്ഞു. ബോർഡിന്റെ പ്രവർത്തനപരിപാടികളിൽ ഇത് ഒരു സുപ്രധാന നാഴികക്കല്ലാണെന്നും ഇതിലൂടെ റബ്ബർബോർഡിന്റെ മേഖലയിൽ നടക്കുന്ന സംഭവവികാസങ്ങളും സംരംഭങ്ങളും കൂടുതൽ ആളുകളിലേക്ക് എത്തുമെന്നും യോഗത്തിൽ അധ്യക്ഷത വഹിച്ച റബ്ബർ ബോർഡ് ചെയർമാൻ ശ്രീ. എൻ. ഹരി പറഞ്ഞു.
റബ്ബർ ബോർഡ് എക്സിക്യൂട്ടീവ് ഡയറക്ടർ ശ്രീ. എം. വസന്തഗേശൻ ഐ.ആർ.എസ്., മേഖലയിലെ സംഭവവികാസങ്ങൾ രേഖപ്പെടുത്തേണ്ടതിന്റെ പ്രാധാന്യത്തെക്കുറിച്ച് ഊന്നിപ്പറഞ്ഞു. റബ്ബർ ടോപ്പിക്കൽ പോലുള്ള ഒരു മാഗസിൻ ഇതിന് ആവശ്യമാണെന്ന് അദ്ദേഹം പറഞ്ഞു.
ഡോ. സിജു ടി. (റബ്ബർ പ്രൊഡക്ഷൻ കമ്മീഷണർ) ചടങ്ങിൽ മുഖ്യപ്രഭാഷണം നടത്തി. ശ്രീ എം.ജി. സതീഷ്ചന്ദ്രൻ നായർ (മുൻ ഡെപ്യൂട്ടി ഡയറക്ടർ, പി. ആൻഡ് പി. ആർ., റബ്ബർ ബോർഡ്), ശ്രീ. ബി. ശ്രീകുമാർ (ഡെപ്യൂട്ടി ഡയറക്ടർ, പി. ആൻഡ് പി. ആർ. ഇൻചാർജ്, റബ്ബർ ബോർഡ്), ബെന്നി കെ.കെ (പബ്ലിസിറ്റി ഓഫീസർ, റബ്ബർ ബോർഡ്) എന്നിവർ ചടങ്ങിൽ സംസാരിച്ചു.
0 Comments
സഭ്യമല്ലാത്ത ഭാഷയില് കമന്റ് ചെയ്യുന്നത് കുറ്റകരമാണ്. ഇത്തരത്തിലുള്ള കമന്റുകള്ക്ക് ന്യൂവിഷൻ പൂവരണി ഉത്തരവാദി ആയിരിക്കുന്നതല്ല