കെ.എം മാണി എഡ്യുക്കേഷണൽ എക്‌സലൻസ് അവാർഡ് 2026: പുരസ്‌കാരങ്ങൾ ഓഗസ്റ്റ് 16-ന് ജോസ് കെ മാണി എം പി സമ്മാനിക്കും.

കെ.എം മാണി എഡ്യുക്കേഷണൽ എക്‌സലൻസ് അവാർഡ് 2026: പുരസ്‌കാരങ്ങൾ ഓഗസ്റ്റ് 16-ന് ജോസ് കെ മാണി എം പി സമ്മാനിക്കും. കേരളാ യൂത്ത് ഫ്രണ്ട് എം പാലാ നിയോജകമണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന കെ.എം മാണി എഡ്യുക്കേഷണൽ എക്‌സലൻസ് അവാർഡ് 2026-ന്റെ വിതരണം ഓഗസ്റ്റ് 16 ഞായറാഴ്ച നടക്കും. പാലാ കിസ്കോ ബാങ്ക് ഓഡിറ്റോറിയത്തിൽ വെച്ച് നടക്കുന്ന ചടങ്ങിൽ കേരള കോൺഗ്രസ് എം ചെയർമാൻ ജോസ് കെ. മാണി എംപി വിജയികൾക്കുള്ള പുരസ്‌കാരങ്ങൾ സമ്മാനിക്കും.യൂത്ത് ഫ്രണ്ട് എം പാലാ നിയോജകമണ്ഡലം പ്രസിഡന്റ് തോമസുകുട്ടി വരിക്കയിൽ അധ്യക്ഷത വഹിക്കുന്ന യോഗത്തിൽ സംസ്ഥാന പ്രസിഡന്റ് സിറിയക് ചാഴികാടൻ ഉൾപ്പെടെയുള്ള മുതിർന്ന നേതാക്കൾ പങ്കെടുക്കും. പത്താം ക്ലാസ്, പ്ലസ് ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയവർക്കും, എല്ലാ വിഷയങ്ങളിലും 100% മാർക്കോ അല്ലെങ്കിൽ ഏതെങ്കിലും ഒരു വിഷയത്തിനെങ്കിലും 100% മാർക്കോ വാങ്ങിയവർക്കും, സിബിഎസ്ഇ, ഐസിഎസ്ഇ പരീക്ഷകളിൽ 90%-ത്തിലധികം മാർക്ക് നേടിയവർക്കുമാണ് അവാർഡുകൾ നൽകുന്നത്. അർഹരായ വിദ്യാർത്ഥികൾ ഓഗസ്റ്റ് 11-ന് മുമ്പായി https://awards.kyfm.co.in എന്ന ലിങ്ക് വഴി രജിസ്റ്റർ ചെയ്യണമെന്ന് ഭാരവാഹികൾ അറിയിച്ചു.